Онцлох мэдээ: 7 дугаар сарын 18-ны өдрийн байдлаар Сэлэнгэ мөрний нийт уртын дагууд болон Хөвсгөлийн уулсаас эхтэй Эг гол Хантай баг орчимд усны түвшин өмнөх өдрийнхөөс 10-30 см нэмэгдэж, олон жилийн дундаж түвшинг 70-130 см давсан байдалтай байна. 7 дугаар сарын 19-нд Сэлэнгэ мөрний нийт уртын дагууд усны түвшин 10-25 см нэмэгдэнэ. Мөн Үүр, Байдраг, Шар-Ус, Хархираа, Түргэн, Хариг, Намир, Ховд зэрэг голууд үерийн түвшинг 15-55 см давсан хэвээр байна. Ирэх өдрүүдэд бараг нийт нутгаар түр зуурын, гэнэтийн, хүчтэй аадар бороо орох төлөвтэй ба жижиг гол, хуурай сайраар сүйтгэл ихтэй уруйн үер буух, гол мөрний усны түвшин богино хугацаанд огцом нэмэгдэх магадлал өндөр тул нийт ард иргэд, аж ахуйн нэгж, аялаж, амарч, зугаалж буй хүмүүсийг  үерийн аюулаас байнга сонор сэрэмжтэй байхыг анхааруулж байна. Гадаргын усны судалгааны хэлтэс 2019-07-18

Ажиглалтын мэдээ > Хөрсний чанарын тайлан, мэдээ

Хэвлэх

Хөрсний чанарын 2017 оны төлөв байдлын тойм

        

           Энэ онд орчны хяналт шинжилгээний хөтөлбөрийн дагуу нийт 159 цэгт хяналт шинжилгээ хийж үнэлгээ дүгнэлт өглөө. Хяналт шинжилгээнд Улаанбаатар хотын 9 дүүргийн 93 цэг буюу Багануур дүүргийн 9, Хан-Уул дүүргийн 19, Налайх дүүргийн 4, Баянзүрх дүүргийн 21, Чингэлтэй дүүргийн 7, Багахангай дүүргийн 5, Сүхбаатар дүүргийн 13, Сонгинохайрхан дүүргийн 8, Баянгол дүүргийн 9, Орон нутагт 6 аймгийн 64 цэг буюу Дорнод аймгийн 16, Хэнтий аймгийн 8, Өмнөговь аймгийн 10, Дундговь аймгийн 12, Сүхбаатар аймгийн 8 цэгт хөтөлбөрт хяналт шинжилгээ хийсэн байна.

Энэхүү хяналт шинжилгээгээр хөрсөн дэх  кадмий, хартугалга, мөнгөн ус, бром, хром, цайр, зэс, кобальт, стронций, рубиди, циркон, хлор зэрэг 12 хүнд металлыг рентгенфлоурсценцийн спектрофотометр ашиглан 1 кг хөрсөнд агуулагдах агууламжийг тодорхойлсон болно.

Улаанбаатар хотын хөрсний чанарын хяналт шинжилгээний тойм

Сүхбаатар дүүрэг

 Хяналт шинжилгээний дүн:  Нэг кг хөрсөнд агуулагдаж буй дундаж агууламж  хлор 0.1 мг/кг, кадмий 0.6 мг/кг, хартугалга 26.6 мг/кг, мөнгөн ус 0.1 мг/кг, хром 3.2 мг/кг, цайр 292.6 мг/кг, зэс 24.5 мг/кг, кобальт 31 мг/кг, стронций 585.6 мг/кг, рубиди 192.2 мг/кг, циркон 377.2 мг/кг ба хром илрээгүй байна.

2012, 2014, 2016, 2017 оны шинжилгээний дүнг хөрсний чанарын MNS 5850:2008 стандарттай харьцуулан зураг 1-т харууллаа.

Зураг 1. Сүхбаатар дүүргийн хөрсөнд агуулагдах хүнд металлын дундаж агууламж, мг/кг

Дүгнэлт: Хөрсний чанарын MNS 5850:2008 стандарттай харьцуулахад Сүхбаатар дүүргийн хөрс хлор, кадмий, хартугалга, мөнгөн ус, бром, хром, зэс, стронций зэрэг хүнд металлын бохирдолгүй байна. Харин “Бэлх”, “29-р сургууль”, “Их сургуулийн хашаа”, “1-р эмнэлэгийн хашаа”, “Парк доторх” цэгүүдэд цайрын бохирдол зөвшөөрөгдөх дээд хэмжээнээс 47.4-165.1 мг/кг-аар давж цайрын бохирдол илэрсэн байна. 

Улаанбаатар хотын 93 цэгт хийсэн хөрсний чанарын хяналт шинжилгээний дүнг MNS 5850:2008 стандарттай харьцуулахад нийт цэгийн 31.2 хувь цайрын, 6 хувь кобальтын, 5 хувь стронцийн бохирдолтой байна. Хан-уул дүүргийн “Харгиа” цэгийн сорьцонд хромын агууламж 7.5 дахин их  буюу хортой агууламжаас давж бохирдсон байна. Дэлгэрэнгүйг эндээс үзнэ үү./uploads/2017 onii hursnii tuluv baidliin toim.pdf

 

Онцлох мэдээ

Улаанбаатар - 2019/07/18

11 цаг

23 73
O
CF
Бороо
1 м/с

ӨНӨӨДӨР - 2019/07/18

25 77
O
CF
Аянга цахилгаантай аадар бороо

8 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store